News Of Global बुधबार, फाल्गुण १९, २०७७

काठमाडौंँ । फिल्म ‘परदेशी–२’को सुटिङ सकिएको छ । अमेरिकाको छायाँकनसँगै फिल्म सकिएको निर्देशक नारायण रायमाझीले जानकारी दिए ।
निर्देशक रायमाझी फिल्म छायाँकनका लागि निर्माण युनिटका केही सदस्य सहित गतसाता अमेरिका उडेका थिए । अमेरिकाको बाल्टिमोरमा रहेको नेपाल हाउस लगायतका विभिन्न स्थानमा फिल्मको छायाँकन भएको उनले बताए ।
दिलिप रायमाझी, अमेरिकन कलाकार तारा लिन्हार्ट, लोक गायक प्रेमराजा महत र प्राज्ञी सुनारलगायतको कलाकारको अभिनय अमेरिकामा खिचिएको हो । बिषयबस्तुले अमेरिका छायाँकन मागेकोले आफुले फिल्म अमेरिकामा खिचेको निर्देशक रायमाझीको भनाई रहेको छ ।
अमेरिका अध्ययनका लागि विदेशिने नेपाली विद्यार्थीहरुको कथा उठाएको फिल्म अमेरिका छायाँकन ब्यवस्था कलाकार दीलिप रायमाझीले मिलाएका थिए ।
काठमाडौं, पोखरा, पाल्पा, चितवन लगायत स्थानको छायाँकन पछि अमेरिका पुगेको यो फिल्मको कथा रमेश विजीले लेखेका हुन् । राजेश वंशल र नारायण रायमाझीको निर्माण रहेको फिल्ममा फिल्ममा दीलिप रायमाझी, प्रशान्त तामाङ, प्रकाश सपूत, केकी अधिकारी, वर्षा सिवाकोटी, नीर शाह, रमा थपलिया, देबेन्द्र बब्लूलगायतको मुख्य भुमिका रहेको छ । फिल्मको प्रदर्शन मिति २०७८ सालको दशैं घोषणा गरिएको छ ।


फिल्ममा मानकृष्ण महर्जनको छायाँकन, अष्ट महर्जनको द्वन्द्व, बिबि अनुरागीको संगीत, गोविन्द राई र रामजी लामिछानेको कोरियोग्राफी तथा दीर्घ खड्काको सम्पादन रहनेछ ।
रायमाझीले यस अगाडि ‘गोर्खा पल्टन’,‘परदेशी’ जस्ता सुपरहिट फिल्म दिएका छन् ।

About Us

Total News of Global

सामाजिक सञ्जाल

our team

Publisher

Shuvakamana Media Solution Pvt.Ltd.

 

Chairman

Tanka Bahadur Pandit

 

Editor

Sabita Pokharel

 

Contact:

01-4010545/ 9851007430

Email: [email protected]