News Of Global सोमबार, बैशाख १५, २०७७

विराटनगर । विराटनगरबाट पठाइएका यात्रु काठमाडौं प्रवेश नाका नागढुंगामा रोकिएपछि विराटनगर महानगरपालिकाका मेयर भीम पराजुलीले काठमाडौंले हेपाहा प्रवृत्ति देखाएको आरोप लगाएका छन् ।

विराटनगरमा अलपत्र रहेका काठमाडौंबासीलाई पठाए पनि नागढुंगामा रोकिएपछि पराजुलीले यस्तो भनेका हुन् । घर जान नदिनु हेपाहा प्रवृत्ति त हो नि उनले भने ।

आइतबार काठमाडौंमा अलपत्र विराटनगरका बासिन्दालाई लिन विराटनगर महानगरपालिकाले सातवटा बस पठाएको थियो । सोही बसमा विराटनगरमा अलपत्र काठमाडौंका १६० जनालाई पठाइएको थियो । सोमबार बिहानै नागढुंगा आइपुगेका उनीहरुलाई प्रहरीले रोकेको थियो । केहीलाई व्यक्तिगत विवरण टिपेर छाडियो भने केहीलाई नाकामै रोकियो । प्रहरीले रोकेकाहरु घण्टौंदेखि सडकमै अलपत्र परे ।

यो खबर पाएपछि विराटनगर महानगरपालिकाका मेयर भीम पराजुलीले भने, ‘काठमाडौंबाट आएका स्थानीयलाई हामी प्रकृया पु¥याएर स्वागत गरिरहेका छौं । काठमाडौंले आफ्ना बासिन्दालाई प्रवेश गर्न नदिने भन्न मिल्छ ?’

कोरोना महामारी त्रासको समयमा काठमाडौं खाली गराउन अन्य जिल्लाका बासिन्दालाई घर जान दिने तर जिल्लामा अलपत्र परेका काठमाडौंबासीलाई रोक्न नहुने मेयर पराजुलीको भनाइ छ ।

काठमाडौंमा बसोबास गरिरहेकाहरुलाई राहत वितरण गर्न नसकेको संघीय सरकारले सर्वसाधारणलाई आधा बाटोमै रोक्नु गलत भएको उनको गुनासो छ । आधा बाटोमा पुगेकाहरुलाई घर पुग्न दिनु पर्ने उनले बताए । ‘उताबाट पठाउने अनि यहाँबाट निमिल्ने विषय उपयुक्त होइन,’ उनले भने, ‘राहत वितरण गरेर अलपत्रलाई उतै राख्नुहोस्, यहाँ अलपत्रलाई हामीले व्यवस्थापन गर्छौं ।’

सोमबार बिहान नाकामा रोकिएपछि मेयर पराजुली र प्रमुख प्रशासकीय अधिकृत इन्द्रमणी पोखरेलले काठमाडौंका जिम्मेवार निकायमा समन्वय गरिरहेका छन् । नागढुंगामा रोकिएका मध्ये केही काठमाडौं प्रवेश गरेका छन् केही यात्रु रोकिएका छन् ।

About Us

Total News of Global

सामाजिक सञ्जाल

our team

Publisher

Shuvakamana Media Solution Pvt.Ltd.

 

Chairman

Tanka Bahadur Pandit

 

Editor

Sabita Pokharel

 

Contact:

01-4010545/ 9851007430

Email: [email protected]