News Of Global शनिबार, भाद्र १३, २०७७

काठमाडौं । राजनीतिकसँगै गीति लेखनमा पनि सक्रिय रहेको पूर्व उपप्रधानमन्त्री तथा गृहमन्त्री एवं नेकपाका नेता वामदेव गौतम पहिलो पटक आफ्नै गीतको म्युजिक भिडियोमा देखिएका छन् । आफैंले लेखेको ‘यो मुक्त भूमि हो बुद्ध भूमि’ बोलको गीतको भिडियोमा उनले आफैं अभिनय गरेका हुन् । छन्द कविता र गीति लेखनमा जीवनको प्रारम्भिककालदेखि रुचि राख्ने गौमलका दर्जनौं गीतहरु रेकर्ड भइसकेका छन् ।

राष्ट्रभक्तिमा आधारित रहेको गीललाई मनोहर सुनामको संगीत संयोजनमा वरिष्ठ संगीतकार शम्भूजित बास्कोटाले संगीत दिएका छन् । गीतमा रोशनराज गुरुङ, माण्डवी त्रिपाठी, र अञ्जना गुरुङले स्वर दिएका छन् ।
म्यूजिक भिडियोलाई भिडियो दीर्घ गुरुङले छायाँकन गरेका हुन् भने निर्देशन तथा सम्पादन जीवन थापाले गरेका छन् ।

गीतकार गौतमले रचना गरेका ४३ वटा गीतहरुलाई एकत्रित गरी गीति संग्रह समेत सार्वजनिक गरिएको छ । संग्रहमा केही सार्वजनिक भएका र केही हुन बाँकी रहेका गीतहरु समावेश गरिएको छ । गौतमले गीतिलेखनकै माध्यमबाट नेपालको राष्ट्रिय गानका लागिसमेत भाग लिएका थिए । तर उनको गीत छनोटमा परेन ।

About Us

Total News of Global

सामाजिक सञ्जाल

our team

Publisher

Shuvakamana Media Solution Pvt.Ltd.

 

Chairman

Tanka Bahadur Pandit

 

Editor

Sabita Pokharel

 

Contact:

01-4010545/ 9851007430

Email: [email protected]