एजेन्सी । क्याटलान क्लब बार्सिलोना स्पेनिस ला लिगाको दोस्रो स्थानमा उक्लिएको छ । गएराति भएको खेलमा रियल भालाडोलिडलाई १(० ले पराजित गर्दै बार्सिलोना दोस्रो स्थानम उक्लिएको हो ।
घरेलु मैदान नोउ क्याम्पमा भएको खेलमा औसमाने डेम्वेलेले ९०औं मिनेटमा गरेको गोल नै बार्सिलोनाको जितमा निर्णायक बन्यो । उनले रोनाल्ड एराउजोको पासमा गोल गरेका थिए । घरेलु मैदानमा बार्सिलोनाले रियल भालाडोलिडलाई दवावमा राखेपनि गोलको लागि निकै संघर्ष गर्नुपरेको थियो ।
यो जितसँगै बार्सिलोनाको २९ खेलबाट ६५ अंक पुगेको छ । दोस्रो स्थानमा रहेको बार्सिलोना शीर्षस्थानको एट्लेटिको म्याड्रिडसँग १ अंकले पछि तथा तेस्रो स्थानको रियल म्याड्रिडभन्दा २ अंकले अघि छ । भालाडोलिड २७ अंक जोडेर १६औं स्थानमा रहेको छ ।