" /> प्रधानमन्त्री केपी शर्मा ओलीकै कारण वाम गठबन्धन असफल : नेता घनश्याम भुषाल – News Of Global

News Of Global बिहिबार, बैशाख ०२, २०७८

काठमाडौं । नेकपा एमाले नेपाल समुहका नेता घनश्याम भुषालले प्रधानमन्त्री केपी शर्मा ओलीकै कारण वाम गठबन्धन असफल भएको आरोप लगाउनु भएको छ । बुधबार बुटवलमा आयोजित पत्रकार सम्मेलनमा बोल्दै नेता भुषालले ओलीको अहंकारी प्रवृत्तिले ठूला कम्युनिष्ट पार्टीहरुको एकता हुन नसकेको बताउनु भयो ।
उहाँले भन्नुभयो, ‘अध्यक्ष ओलीको कुर्सी मोह र अहंकारका कारण वाम गठबन्धनको सरकार जनअपेक्षा अनुसार काम गर्न सकेन । त्यसैका कारण पार्टी विभाजनतिर धकेलियो ।’
उहाँले पार्टीमा अन्तरसंघर्ष अन्तिमसम्म जारी राख्ने बताउनु भयो ।उहाँले हालसम्म ७० जिल्लामा कमिटी गठन गरिसकेको पनि जानकारी दिनुभयो । बाँकी जिल्लाहरुमा पनि चाँडै कमिटी गठन गर्ने उहाँको भनाइ थियो । त्यस्तैगरी उहाँले पालिकास्तरमा पनि कमिटी गठन गर्ने बताउनु भयो ।
ओलीको कुर्सी मोहले नेकपा मात्रै नभइ अहिलेको एमाले पनि कमजोर भएको बताउनु भयो । संसदको संख्या अनुसार अझै नेकपा एमालेको सरकार रहि रहने स्थिती भएकाले त्यसैलाई टिकाउन भूमिकाबाट ओलीकै कारण पछि धकेलीएको नेता भुषालले बताउनु भयो ।
अध्यक्ष ओलीले आफ्नै पार्टीका नेताहरुलाई पन्छ्याएर जसपाका अध्यक्ष महन्थ ठाकुरसँग गठबन्धन गर्नतफै अग्रसर रहेको भन्दै आलोचना समेत गर्नुभयो

About Us

Total News of Global

सामाजिक सञ्जाल

our team

Publisher

Shuvakamana Media Solution Pvt.Ltd.

 

Chairman

Tanka Bahadur Pandit

 

Editor

Sabita Pokharel

 

Contact:

01-4010545/ 9851007430

Email: [email protected]